(१)
:माथेरानचे
"मंतरलेले दिवस,
धुंद,मादक,मस्तावलेल्या रात्रि!"
अनुभव लेखन:—
सुहास काशिनाथ राऊत
/वरोरकर,डहाणुरोड,(पुर्व).
मो.09923004895.
पायथ्याच्या नेरळ रेल्वे स्टेशन पासुन डोंगर माथ्यावरील वर्तुळाकार चढणी ऊतरणीच्या डांबरी रस्त्यावरुन ऊंचावरील माथेरान दस्तूरी नाक्यापर्यंत ७ किलोमिटर वाहने येवू देतात.तेथे फाॅरेस्टचे खात्याचे भव्य पार्किंग आहे,तेथे भाड्याने वाहने सुरक्षित पार्क करुन तेथून ४ किलोमिटर पाई,घोड्यावरून किंवा माणसांनी ढकललेल्या हात ढकलगाड्या वरूनच माथेरानला जावे लागते.मिनी ट्रेन वरपर्यंत येते पण ती तांत्रिक बिघाडामुळे बंद होती.एका घोड्यावर एकच जण,प्रत्येकी रूपये ३५० घेतात.माणसांनी ढकललेल्या ढकलगाडीत एकच माणूस बसतो,भाडे ४५० रूपये. घोडेवाला घोड्यांच्या वेसणीला हात धरून हळूहळू घोडे चालवतो,सामान ऊचलायला मजुर ऊपलब्ध,त्यात बहुतेक स्रियांचा/मुलींचा भरणा जास्त.त्या बोचकी मोजुन,माणसं पारखुन दिडशे ते तिनशे रुपये घेतात. तेथुन गांव वसलेल्या तांबड मातिच्या माथेरान पठारावर पोहोचायला दीडेक तास लागतो.डहाणू ते व्ही.टी. १२० कि.मी.लोकल तिकिट ३५ रू,व्हीटी ते नेरळ अंतर १०० कि.मी.लोकल भाडे ३० रूपये.नेरळ ते माथेरान ७ कि.मी.शेअर टॅक्सि प्रत्येकि ८० रूपये.मिनी ट्रेन प्रत्येकी ७५ रूपये.
माथेरान,तालुका कर्जत,जिल्हा— रायगड.
सर्व प्रकारचे खाणेपिणे मिळते,२५% महाग आहे.
अाम्ही राहिलो तेथे दोघांचे स्वतंत्र,सेल्फ कंटेंड,वातानुकुल रूममध्ये राहणे,शाकाहारी भरपुर जेवण,चहा—काॅफि,नाश्ता ,स्विमिंग,वाय फाय ईत्यादी सोईचे २४ तासाला २४०० रूपये.सर्व खर्च दयाळु साहेबांचा.
(२)
२३ फेब्रुवारी २०१७ ला संध्याकाळी ६ वाजता आम्ही निसर्गरम्य माथेरानला पोहोचलो.कन्याकुमारी पासुन काश्मिर, नेपाळ खाटमांडु पर्यंत फिरुन झालेलं पण डहाणु पासुन जवळच असलेल्या माथेरानला गेलेलो नव्हतो त्याची खंत नेहमी वाटायची. पण एका साहेबांच्या खास निमंत्रणामुळे आम्ही जुने ४ मित्र फक्त सौभाग्यवतींसह माथेरानला गेलो आणि चक्क ४ रात्रि आणि ५ दिवस माथेरानला हुंदडलो.विकास रांजणे हा पदवीधर युवक आम्हाला तेथे गाईड म्हणुन भेटला.पिढीजात गाईडचा व्यवसाय असल्याने विकास मुंबईच्या नोकरीत रमला नाही.त्याने गाईडचाच व्यवसाय करण्याचे ठरविले आहे.पहिल्या संध्याकाळ पासुन शेवटच्या संध्याकाळ पर्यंत त्याने आम्हाला साथ दिली.माथेरानचा निसर्ग,इतिहास,लोक जीवन याची आम्हाला त्याने ईथ्यंभूत माहिती दिली.माथेरानच्या कोना कोपर्‍याची, अत्यंत वाजवी दरांत,त्याच्या खास उमद्या घोड्यांवरुन रपेट घडविली.त्याच्या ओळखिने आम्ही वाजवी दरात खरेदी केली.खाण्यापिण्याच्या चांगल्या जागी मनमुराद खाल्ले पिले.महागड्या हाॅटेलात व पाहुण्यांना ठेवणार्‍या घरातही राहिलो.
आमचे माथेरानचे दिवस व रात्रि खुपच धुंदीत गेल्या.दिवसभर प्रिय व्यक्ती बरोबर निसर्गरम्य परीसरात हुंदडणे,सर्व नातीगोती विसरुन केवळ प्रेमाचे,मैत्रिचे नाते कुरवाळणे,सार्‍या विवंचना विसरणे,संसारात एक दुसर्‍यासाठी जगलेल्या सार्‍या आठवणींची ऊजळणी करून व्हायची.सर्वजण साठी पासष्टी विसरुन ४० वर्षांपुर्विच्या पंचविशी तिशीत ढकलले गेले होते. संध्याकाळी घोड्यावरुन उतरलेली सर्वांची पावले खाणे,पिणे,मनोरंजन असलेल्या जागी थबकत.बर्‍याच वर्षांनी जमुन आलेली आम्हा घनिष्ठ मित्रांची मैफल कोणात काहीच विधिनिषेध न बाळगता कोल्डड्रिंक,मद्याच्या आस्वादात झिंगायची.मनमुराद खाणे पिणे नाचणे झाल्यावर पावले लाॅजच्या रस्त्याची चढण चढायची.लाॅजच्या रुमचा दरवाजा खोलण्या अगोदर बाहेर ठेवलेल्या सोफ्यावर लवंडायचा मोह सर्वांनाच व्हायचा.समोरच्या कठड्यावर माकड माकडीणीची जोडी आमच्याकडे आशाळभुतपणे पहात राहायची.सौभाग्यवतीने मुद्दामहुन त्यांच्या साठीच आणलेल्या शेंगा फुटाण्याची पुडी माकड टिपाॅयवरुन अलगद उचलुन माकडीणी पुढे सोडत असे.माकडीणीने पहिला बोकणा भरल्याशिवाय तो एक दाणाही ऊचलत नसे.दोघंही दाणे फस्त करुन झाल्यावर कुतुहलाने आमच्या माकडचेष्टा न्याहाळीत.एकमेकात गुरफटलेल्या आम्हाला पाहुन माकडीणी जवळ बसलेल्या माकडाला आपण माकडीणीपासुन अंतर राखुन बसल्याची उगीचच खंत वाटुन तो तिला कवेत घेत असे.मग त्यांच्या मानवलिला सुरु होत असत.दुरवरुन भयाण नेत्रव्दयाने हे न्याहाळणार्‍या घुबडाला हे पाहणे पसंत पडत नसावे म्हणुन तो मोठ्याने घुत्कारत असे.त्या कापर्‍या भयाण आवाजाने दचकुन सौभाग्यवती रुममध्ये जायला ऊठत असे.
बाहेरुन पक्षांचा मंजुळ किलबिलाट कानी पडताच रात्रभर न निजलेले आमचे चारही डोळे काचेची तावदाने न्याहाळत असतांना त्यांना पहाटेची प्रभा फाकत असताना दिसत असे.
"चला,निजुया, मी तर आत्ता खुप थकले!,म्हणत सौभाग्यवती अंगावर रेशमी चादर ओढुन घेत असे.
माझे मन त्या मंतरलेल्या दिवसाची धुंद मादक रात्र कशी गायब झाली याचा विचार करत पडत असे.
पदवीधर गाईड/मित्र विकास रांजणे फेसबुकच्या माध्यमातुन संपर्कात आहे.मध्यंतरी तो त्याच्या पहिल्याच मैत्रिणीसह फेसबुकवर दिसला.तिच्या कायमच्या सोबतिने त्याच्या जीवनात वसंत फुलणार आहे.
विकास म्हणाला होता,
"साहेब माथेरानचा निसर्ग पावसाळ्यातच खरा न्याहाळावा!"
मी त्या धुंद मादक मस्तावलेल्या पावसाळ्याची चातकाप्रमाणे वाट पाहतोय.
—समाप्त—
Publish on your social media channel through the share buttons available on this page only.